صداقة الولد والبت بين القيل والقال

السلام عليكم
ازيكم ياجماعة وايه اخبار الاجازه النكد دى
انا عندى اقتراح زالاقتراح من خلال الموضوع ده
انا كتبت الموضوع علشان كل واحد يكتب رايه فى موضوع الصداقة بين الولد والبنت وخصوصا فى الجامعة وطبيعة العلاقة اللى لازم تكون بينهم
لان بصراحة كدة فى ناس كتير مش شايفة الموضوع من الجانب الحقيقى اللى كلنا لازم نشوفة منه والامور دخلت فى بعضها
وزى ماقلت كل واحد يكتب رايه بصراحة ووضوح ومن غير احراج
ويلا مستنية مشاركاتكم واتمنى حد يعبرنى ويرد

معاك حق
وبعدين انا رايى ان مافيش حاجة اسمها صداقة
ممكن يكون اسمها تبادل منفعه بس طبعا فى الحدود
وبعدين بما اننا مسلمين فطبعا معروف ان المناظر اللى بنشوفها المسماه بالاخوة دى حاجات جديده علينا ومتهيالى سببها البعد عن الدين واحكامه وتعاليمه
ثم اخوة ايه اللى تخلى واحده المفروض انها محترمه تقف ترغى مع واحد المفروض برضه انه محترم قدام الناس فى مكان مالوش علاقة بالدراسة ولا المذاكرة.....واكيد كلنا عارفين المكان........برضه تحت مسمى الاخوة
والله انا صعبانة عليا الاخوة دى مبهدلينها معاهم ومخلينها الشماعة بتاعتهم يعلقوا عليها افعالهم ال.............مش عارفة اسميها ايه
يلا عاوزين اراء تانيه كتيييييييييييير
ومشكور يا باشمهندس على الرد السريع ده

معاك حق انا برضه شايفة كده ان الموضوع استهبال فى استهبال
وشكرا على الرد

كلام فاضى

ميرسى هو ده اللى قدرك عليه ربنا

انا رايي من راي محمد انه بجد العلاقات دي مش بتتفسر غير بالتفسير اللي قاله لان بجد فيه ناس تعشق ان تتكلم في المواضيع دي وتملا بقي الجامعه اشاعااااااااااااااااااااااات

مفيش صداقة بين ولد وبنت بس زى مبتقولى كدة يامريم تبادل منفعة مصلحة يعنى ده بشرط لو المنفعة دى كانت عند الولد بس ومكانتش عند اى بنت تانية

وربنا بقى يهدى الجميع

ربنا يهدينا جميعا
ومشكورة على المرور

بس برضه تبادل المنفعه بين ولد وبنت بشرط ان الولد مالقاش ولد ياخد منه كشكول او اى حاجه وكذلك البت علشان ماتبقاش تلاكيك

انا صحيح لسه صغير ولسه رايح اولى كلية بس دى مش محتاجة شخص كبير او صغير دى محتاجة قلب وعقل
واعتقد ان الولد لو بيحب البنت حب طاهر وصادق وبجد يبقى هو ده الحب بجد
وبعدين مش مهم كلام الناس المهم ربنا والله اعلم

قيصر روما كتب:انا صحيح لسه صغير ولسه رايح اولى كلية بس دى مش محتاجة شخص كبير او صغير دى محتاجة قلب وعقل
واعتقد ان الولد لو بيحب البنت حب طاهر وصادق وبجد يبقى هو ده الحب بجد
وبعدين مش مهم كلام الناس المهم ربنا والله اعلم

ماشى حب طاهر وصادق ماقلناش حاجه بس فى حدود الادب والدين
وكلام الناس مهم على فكرة لانك عايش معاهم وبيهم

mostafa23688 كتب:تعريف الحب
هي علاقه غير شرعيه تربط بين الولد والبنت واكبر باب للشيطان
الافضل انك تغلقه

جميل جدا التعريف ده جزاك الله خير

وجزاكي مثله
شكرا لكي

Admin كتب:

حب طاهر وصادق ماقلناش حاجه بس فى حدود الادب والدين
اوعدنا يارب

ع فكره انا معاكي جدا في حكايه كلام الناس
كلام الناس مهم جدا علشان في ناس تقول دي زي اختي طب يا عم انت الي بتقول كدده واصحابك عارفين كده طيب وباقي الناس هتقول اي
زي ما انت خايف عليها يبقي تخاف عليها من
كل حاجه

صح
ايه العقل ده ربنا يزيدك

وانا رأيى مافيش حاجة اسمها زى اختى يااختك يامش اختك ومافيش حاجه وسط

على فكرة كل اللى قال انو مفيش صداقه يبقى مجربش اصلا انو صاحب وحده بنت
99.9% كلام فاضى
بس فى صداقة فعلا اسئلو مجرب
بس انتهيت لانها من الطبيعى متستمرش لعده اسباب منها انها تكون ارتبطت

mostafa23688 كتب:تعريف الحب
هي علاقه غير شرعيه تربط بين الولد والبنت واكبر باب للشيطان
الافضل انك تغلقه

هو ده رايك في الحب يا مصطفي

maspp كتب:على فكرة كل اللى قال انو مفيش صداقه يبقى مجربش اصلا انو صاحب وحده بنت
99.9% كلام فاضى
بس فى صداقة فعلا اسئلو مجرب
بس انتهيت لانها من الطبيعى متستمرش لعده اسباب منها انها تكون ارتبطت

مش عارفه اقولك ايه والله

انا طبعا مجربتش ومش ناويه اجرب لانى مؤمنه بان الحاجات دى مش هنقول حرام هنقول شبهه

وزى ماانت قلت
الطبيعى متستمرش
فانا ليه ادخل نفسى فى حاجه عارفه انها مش هتستمر والله اعلم هترسى على ايه

وعلى العموم اختلاف الراى لا يفسد للود قضية

وانا محترمه وجهة نظرك
ومشكور على مرورك

انا رايى أن الزمالة بين الولد والبنت وليس الصداقه لا حرج فيها ولا عيب طالما فى حدود الكليه والمخاضرات والسكاشن أى فى اطار الحرم الجامعى لاأكثر ولا أقل
ولاكننا نواجه مشكله وهى ان المجتمع اتغير
دلوقتى كل ما حد يشوف ولد ماشى مع بنت فى الجامعه أوقاعدين فى كافتريا يفتكر فى حاجه بينهم
أنا حصل معايا كده و أكثر ناس تفتكر كده اللى جايين من قرى وأقاليم سورى يعنى
هل فى حل للمشكله دى؟؟؟
عاوزين نعرف السبب ونناقش الحلول
فى أنتظار ردكم :شكرااااااا

الاسلام هو الحل

الواحد لما يراعى ربنا
ويتق الله فى بنات الناس

اكيد الدنيا هتصفى

والحل هيكون متلخص فى كلمه واحده

((الحلال بين والحرام بين وبينهما امور مشتبهات فمن اتقى الشبهات فقد استبرأ لدينه وعرضه))

معلش الكلام ناشف حبتين بس هى دى الحقيقه

والمساحة واسعه لكل الاراء

واختلاف الراى لايفسد للود قضية

ياجماعة انتوا بتناقشوا ايه بس
ده موضوع منتهى اصلا
الاسلام وضع القواعد والقوانين والاعراف لتعامل الرجل والمرأة
ووضع الحواجز الهامة للحفاظ على المجتمع
شوفوا اى موضوع تانى يكون محل نقاش ونناقشه
علشان منضيعش وقت

اوكى اوكى

زى ماحضرتك شايف كده

فيه ناس مش مقتنعه
اومش عارفه اصلا

لازم يكون فى نقاش

وبعدين لو عندك موضوع نتناقش فيه نزله هتلاقينا كلنا هناك