مطلوب مهندسين جميع التخصصات بجامعة سوهاج

السلام عليكم ورحمتة الله وبركاتة

مطلوب مهندسين جميع التخصصات بجامعة سوهاج
والتقديم بدا
9 /8
وهيستمر التقديم لمدة 15 يوم
والمطلوب
1_شهادة المؤهل
2_ شهادة القيد بالنقابة
3_صورة البطاقة
4_ شهادة الميلاد
5_ صحيفة الحالة الجنائية
والتقديم فالمبني الاداري فالجامعة
فالدور التاني فالتعينات

والاعلان ع موقع الجامعة

ربنا يكرم كل الشباب

يعنى المهندسين المطلوبين حيشتغلو ايه؟

ربنا يوفق كل الناس
بس لو آخر شغلانه في الدنيا في سوهاج مش هروح
توضيح
كل إنسان يحمل رأيه و هو يعبر به عن نفسه

The FOX كتب:يعنى المهندسين المطلوبين حيشتغلو ايه؟

اعتقد انهم هيشتغلوا معيديين فى الكلية لان كلية الهندسة فى سوهاج بقالها سنتين بس ، او ممكن هيشتغلوا فى حتة اسمها الكوامل (المنطقة دى هى اللى بتتبنى فيها اقسام كلية الهندسة )

Admin كتب:ربنا يوفق كل الناس
بس لو آخر شغلانه في الدنيا في سوهاج مش هروح

انا اوافقك الراى يا ادمن

ايه الندالة دى يا ابن الارقم
حد يبيع وطنه بالبساطة دى

اولا يا جماعة انا سالت الموظف بتاع التعيين
وشكلة مش فاهم حاجة
بس ماعلينا هو بيقولي مهندسين قولتلة يبقي معيدين
قالي لا هو المطلوب مهندسين
بس انا شايفة ان بالعقل
طيب بتوع كهربة ممكن يشتغلو اوك فالجامعة مش معيدين
لكن مدني وعمارة هيعملو اية
اية هنقعد نرمم الحيطان
يبقي اكيد معيدين او باحيثين
ودة رايي والله اعلم طبعا



ثانيا
اللي مش عايز سوهاج هي كمان مش عيزاه
وسوهاج مش عايزة غير ولادها
واللي من ولادها ومش عايزها يبقي مع الف مليون سلامة
انا شايفة سلبيات سوهاج
وشوفت سلبيات اسيوط وغيرها بس انا مش عندي كلاكيع وعقد ناحية لاسيوط ولا غيرها
كل مكان في الكويس وفية الوحش
وارجع واقول اللي مش عايز سوهاج تبقي هي كمان مش عيزاه

اه صح نسيت عايزين للاولاد بتاعة التجنيد

الله عليكى يا سوناتا
فكرتينى بجمال عبد الناصر فى خطاب التاميم

بس انا ملاحظ ان معظم السوهاجية بيتبرأو من سوهاج

وكانهم ندمانين انهم من سوهاج
دا بالاضافة لمعدلات الهجرة بالاعداد الرهيبة من سوهاج
ياترى لييييييييييييييييييه؟

مليش نفس اضحك بصراحة
المهم مبروك الترقية

winter sonata كتب:

واللي من ولادها ومش عايزها يبقي مع الف مليون سلامة

اكيد طبعا انا بحب بلدى وكفاية انى عشت احلى ايام عمرى فى الارقم بس انا مش شايف وظايف كويسة فيها تخلى الواحد ممكن يشتغل فيها

winter sonata كتب:مليش نفس اضحك بصراحة
المهم مبروك الترقية

ممكن تفتحى اليوتيوب وتكتبى مشاهد مضحكة
هتطلعللك شوية فيديوهات افتحى اى واحد منهم
واسمعيه ممكن تضحكى بس التجربة دى نسبة نجاحها 60%
او ممكن تكتبى على الجوجل نكت
هتطلعلك مجموعة من النكت اقريها
ودى نسبة نجاحها 50 %
او ممكن متعمليش حاجة ومتضحكيش
ودى نسبة نجاحها 100%
بس برضه مجاوبتيش على سؤالى اللى انا سالته؟
اما بخصوص الترقية والتهانى فحناجل الموضوع دا شوية

اوك بس مش معني كدا اننا نهاجر
وندي باقي البشر صورة وحشة عنها
الناس هتفهم من اسلوبك يابشمهندس انها بلد سوري زباله رغم انها باهلها احسن من بلاد تاني انا عرفتها
اوك المرتبات عندنا وحشة والوظايف مش كتيرة بس دة كان الاول دلوقت البلد اتعمرت عن زمان
انا عن نفسي متفائلة
وحتي لو مشتغلتش فيها اكيد هاتمني اني ارجعلها

The FOX كتب:

winter sonata كتب:مليش نفس اضحك بصراحة
المهم مبروك الترقية

ممكن تفتحى اليوتيوب وتكتبى مشاهد مضحكة
هتطلعللك شوية فيديوهات افتحى اى واحد منهم
واسمعيه ممكن تضحكى بس التجربة دى نسبة نجاحها 60%
او ممكن تكتبى على الجوجل نكت
هتطلعلك مجموعة من النكت اقريها
ودى نسبة نجاحها 50 %
او ممكن متعمليش حاجة ومتضحكيش
ودى نسبة نجاحها 100%
بس برضه مجاوبتيش على سؤالى اللى انا سالته؟
اما بخصوص الترقية والتهانى فحناجل الموضوع دا شوية

انا خلاص ضحكت من تعليقك دة
شكرا


السؤال
انا جاوبت علية فردي اللي فات
وهو ان سوهاج فعلا مفهاش فرص كتير للعمل
لانها اصلا صغيرة بس دلوقت اختلف الموضوع شوية
وسوهاج زمان درسنا انها من المحافظات الطاردة للسكان
بس برضو الموضوع اختلف شوية دلوقت ولما ابقي اشتغل هبقي ااكد الموضوع دة باذن الله

winter sonata كتب:
الناس هتفهم من اسلوبك يابشمهندس انها بلد سوري زباله رغم انها باهلها احسن من بلاد تاني انا عرفتها

اطلاقا
انا احسن ناس عرفتها كانوا من سوهاج
واعز اصحابى من سوهاج
ويكفيكم فخرا الامام رفاعة الطهطاوى والامام مصطفى المراغى
اعلام عصرهم
انا كل اللى قصدته سؤال محتاج لاجابة لحالة كل الناس ملاحظاها
وهى الهجرة باعداد رهيبة وبدون مبالغة
اتمنى انك تكونى فهمتى قصدى

winter sonata كتب:
بس برضو الموضوع اختلف شوية دلوقت ولما ابقي اشتغل هبقي ااكد الموضوع دة باذن الله

ربنا يدينى ويديكى طولة العمر
واشوفك موظفة اد الدنيا

فهمت والله
بس فعلا المرتبات عندنا مش عالية
والفرص قليلة
يعني متنفعش الولاد اللي عايز يتجوز ويجيب عربية ويفتح بيت وكمان ولو كان معندهوش شقة
حاجة صعبة بس انا شايفة ان دة فمصر كلها مش سوهاج بس
وبحييييييييييييك ع روحك السوهاجية العالية

كدة يا بشمهندسة يبقى من الاولى ان البنات تقعد فى البيت ويدو فرصة للشباب انه يتجوز ويجيب شقة وعربية
علشان الفرص تبقى اكتر للشباب

ربنا يكرمكم كلكو باعلي الوضايف واعلي المرتبات
بس اهم حاجه الاستقرار يعنى لو شغلانه ف بلدى ونص المرتب لو هتغرب يبقي بلدى احسن بكتييييييييير
كفايه العيله والاهل واللي من غيرهم الواحد ملوش قيمه
ثانيا ليه اهل سوهاج بيسيبوها لان الشباب محبط وشايف انه قعدته جمب امه مش جايبه فايده عشان كدا بيهرب لكن لو فكر بعقله شويه مش هيمشي
وانا شايفه انه سوهاج فيها وظايف كتييييييييييييير وكويسه جدا كمان بس اللي يدور وميعقدش نفسه

وبعدين علي رايك يا سوناتا اللي مش عاوز سوهاج تبقي هى اللي مش عاوزاه
سوهاج كفاياها اهلها الطيبين اللي زييي"(احم احم
وكل سنه وانتو طيبين

السلام عليكم
وكل سنه وانتم طيبين ورمضان كريم

انا قريت الحوار فعلا سوهاج بلد جميله ومعايا اعز اصحاب منها
لكن معروفه انها افقر محافظه او من المحافظات الفقيره دي الهدوم عندهم رخيصه جدا وده كلام صحابي اللي منها وانا شفت ده بنفسي

بس بصراحه انا بحب صحابي اللي منها لكن سوهاج من حيث اهلها بتختلف هنا الاراء فيه ناس بيحبو اهلها وفيه ناس بيقولو لا شافو منها كتير وحش

لكن البلد اللي ميختلفش عليه اتنين
هي اسيوط طبعا واخده سمعه اشطه وانتو فاهمني طبعا

وقنا بلدي العزيز الحمد الله مفيش اتنين بيختلفو علينا وطبعا معروفه اننا اطيب ناس والحمدالله محبوبين

عارف طبعا انه كل بلد فيها الحلو والوحش

لكن الاغلبيه تعم واهي سمعه وبتتاخد عن كل بلد

وكل سنه وانتم طيبين مره تانيه
وتقبلو مروري

وانتو طيبيين
عجبتنى جدا حته الهدوم عندنا رخيصه دى
خلاص هنبقي نصدرلكوا هدوم من عندنا

اى الحرب إلي حصلت دي
أول حاجه شكرا بجد علشان أنا كنت محتاج أضحك في الوقت د ضروري ميرسي بجد ردود فوق الرهيب
ثانيا أسيوط إلي معلماكو و مشرباكو و و و و الخ نتريق عليها كده
أنا لما قولت مش عاوز اشتغل في سوهاج لأسباب كتيره أول حاجة مرتب ضعيف جدا ثانيا مش هقدر احقق حلمي فيها ثالثا و بصراحه من غير زعل إلي واضح في الكلية من ناس سوهاجيه في الجامعة عامة و الكلية خاص كرهني اني أتعامل مع اى حد منها
و أهم حاجه مش عارف ل سوهاجيه حاطين أسيوط في دماغهم يعني أنتو ساكنين مدينة غير الآسيوطي إلي تعبان في مواصلات و في الطرق و قاعدين مرتاحين و محسسنا انكو أصحاب البلد و احنا ساكتين
د حتى و الله فرحت لما عرفت ان في هندسة أتعملت جديد عندكو
بس مهما حصل من اى حد سوهاجي احنا كلنا مصريين و اى حاجه تحصل منهم احنا لازم نستحملها علشان احنا اخوات و د نصيب اى حد في القمة

The FOX كتب:كدة يا بشمهندسة يبقى من الاولى ان البنات تقعد فى البيت ويدو فرصة للشباب انه يتجوز ويجيب شقة وعربية
علشان الفرص تبقى اكتر للشباب

انا مع الفكرة دي من زمان والله بس مش ينفع تتنفذ
خلاص

السلام عليكم

لا طبعا شكرا باشمهندسهmermaid

احنا لو احتاجنا حاجه هنيجي لحد عندكم

لان اعتقد مفيش امكانيات للتصدير عندكم

معلش يا جماعة انا عاوز اعرف حاجات مهمة بخصوص الموضوع ده
اول حاجة هو الميعاد يوم ايه 9اغسطس
ولا 8سبتمبر لانى مش عرفت اقراها بالضبط
ياريت الافادة بجد وانا منتظر الرد