علشان صورتنا تبقى احسن

منتدى لكليه بحجم هندسة اسيوط صعب جدا انك تلاقى الاهتمام العلمى فيه قليل
لكن دا للاسف الوضع اللى احنا عليه دلوقتى
كلمة منتدى لاى كلية بيعنى للسامع انه هيلاقى داتا بيز كبيرة جدا عن مجال تخصص الكلية دى
دا كان راى كتيييير من اصحابى اللى فى كليات هندسة جامعات تانية عن المنتدى
للاسف كلامهم كللللله صح
وانا رايى يا جماعة ان احنا مش مهتمين غير بالفرفشة وبس
حتى اقسام المنتدى كلها بتقول كدة
لو زودنا الاقسام العلمية مش هيحصل حاجة لكن هنزود احترام الناس لينا وكلنا هنستفيد لو كانت عندنا الداتا بيز دى
وياريت نبدأ بتشعب الاقسام واضافة مكتبة لكل قسم وقسم برامج
دا مجرد اقتراح

اقتراح هايل
انا فكرت زمان نعمل اسطوانات او ع فلاشات فيها برامج هندسه وبرامج كمبيوتر مفيده وشروحات الدورات والحاجات دي احسن واسرع من تحميلهم من ع النت
بس لقتها عمليه صعبه جدا تتحقق لاسباب معروفه

اية يا ادمن احنا مش اتفقنا على اننا نحقق اهداف المنتدى
بس انت اللى مكسل

اه تصدق عاوز اعمل اعلان في الجامعه بس لازم تصريح من عميد الكليه
وانا محبش اقول لحد حاجه معرفوش
ومحبش اااااااااااااااااا
مع ناس اااااااااااااااااااا
يلا بقي حد يشوف الموضوع ده غيري
و نحط اعلان ف كل قسم

يااااااااااااااااريييت

قول ان شاء الله

دا كان رايى بالظبط ف المنتدى ويمكن انا قلته قبل كدة ف موضوع سابق
ياااااريت نزود فيه المواضيع العلمية

انا معاك يا بشمهندس ف الاقتراح دة

وياريت كل واحد يعرف معلومة يقولهالنا علشان نستفاد احنا كمان

يعنى مثلا لو حد يعرف فوتوشوب ممكن ينزلنا الدورة على فترات مثلا الدرس الاول..التانى.. وهكذا ف باقى البرامج
مشكور ع الاقتراح

انا عندى اقتراح
كل عضو ينزل 5 مواضيع علمية من التخصص بتاعه
وبكده نقدر نرفع من عدد الموضوعات العلمية فى وقت قليل

محدش رد
الظاهر ان محدش موافق على الاقتراح دا
خلينا فى التهييس والفرفشة احسن

السلام عليكم و رحمة الله و بركاته
اقتراحك ممتاز فعلا
و كنت أود أن أشارك فيه
أخبرونا كيف تريدون تنظيم هذا الاقتراح و أنا على استعداد للمشاركة بكل ما أعرفه
علنا نستفيد و نفيد غيرنا

انا معاكم جداً في الاقتراح ده
لإنه المنتدى فقد هدفه الاساسي كمنتدى للكلية وبقى منتدى للترفيه والافلام والالعاب وخلاص

اول حاجة لازم تتنفذ إننا نطلع القسم الخاص باقسام الكلية فوق
لإنه هدف المنتدى الاول
بدل ماهو مركون تحت وبيتحط فيه موضوع كل اسبوع

بالنسبة لاقتراح الفوتوشوب انا ممكن اساعد معاكو بالدروس والكلام ده
لإنه عندي خلفية عن الموضوع وبتعلم فيه حالياً


ثالثاً كل قسم بيبقى ليه بعض البرامج المهمة
زي الاوتوكاد او السي بلاس او الفورترن الحاجات دي لازم تكون متوفرة في قسم خاص بالبرامج
معرفش هما موجودين ولا لأ بس المهم لازم نهتم بيهم

دول مبدأياً قبل ما اتعمق في تفاصيل المنتدى أكتر

يابرنس كبر الجى وروأ الدى ومتتعبش نفسك
المنتدى دا عمره ما هيبقى للاغراض العلمية
فمتتعبش نفسك انا بنصحك من البداية لان احنا تعبنا من كتر الكلام
خلليك فى الفرفشة والتهييس وكبر دماغك من الليلة دى

ahmed_zont كتب:يابرنس كبر الجى وروأ الدى ومتتعبش نفسك
المنتدى دا عمره ما هيبقى للاغراض العلمية
فمتتعبش نفسك انا بنصحك من البداية لان احنا تعبنا من كتر الكلام
خلليك فى الفرفشة والتهييس وكبر دماغك من الليلة دى

طول ما معانا القناعة السلبية دي عمرنا ما حنعمل حاجة في اي مجال
وحتى اللى عندهم عزيمة بييجي كام واحد زيك كده يحبطوهم بكلمتين

معلش انت لسة جديد معانا هنا وفى حاجات كتير انت متعرفهاش هتعرفها وتفهمها مع الايام
وانسى كلامى خالص ياريت ميكونش اثر على عزيمتك وروحك القتالية العالية

مش عارفة يا باشمهندس احمد انت بتتكلم كدا لية معى انك انت الى فتحت الموضوع اصلا
عموما شكلك بتغير رايك حسب مودك
عموما انا مع اقتراح محمد
وان شاء الله يبقى المتندى ولا ملتقى المهندسين العرب واحسن من الهندسة نت
ان شاء الله

المصرية كتب:مش عارفة يا باشمهندس احمد انت بتتكلم كدا لية معى انك انت الى فتحت الموضوع اصلا
عموما شكلك بتغير رايك حسب مودك
عموما انا مع اقتراح محمد
وان شاء الله يبقى المتندى ولا ملتقى المهندسين العرب واحسن من الهندسة نت
ان شاء الله

انا رايى عمره ما اتغير حسب مودى
الفكرة انى لما نزلت الموضوع كان عندى امل بسيط
لكن بعد كدة اكتشفت انه مش هينفع اطلاقا
وانا شايف ان المنتدى هيبقى احسن من اصحاب كووول
مش الهندسة نت والكلام الفاضى دا
لو ينفع احذف الموضوع انا ممكن اشيله خااالص

الفكرة انى لما نزلت الموضوع كان عندى امل بسيط
لكن بعد كدة اكتشفت انه مش هينفع اطلاقا

طيب ما دام حضرتك تخليت عن املك البسيط
ياريت تدى الفرصة للناس الى عندها امل انها تحافظ علية

المصرية كتب:
طيب ما دام حضرتك تخليت عن املك البسيط
ياريت تدى الفرصة للناس الى عندها امل انها تحافظ علية

أتفق معك في هذا

ياريت يا جماعة ترجعوا تبصوا على المساهمة رقم 16
ورغم كدة انا هعيد الكلام تانى
اللى عايز يحارب يحارب انا مش باثر على عزيمة حد
دا موقفى الشخصى انا بس
وان شاء الله بعد الحرب نبقى نتقابل

لا حول ولا قوة الا بالله

بجد بجد الموضوع فكرته جميله

وانا كان نفسى انزل موضوع عن كده من زمان

وانا هبدا معاكم ان شاء الله

وعجبتنى جدا حكاية خمس مواضيع دى

بس محدش بدأ فيها

واتلله اعلم ايه السبب

وكمان المفروض ان الاقسام العلميه المفروض تبقى اول شئ فى المنتدى

وبخصوص الاعلان اللى هتكلموا فيه رئيس الجامعه

هتكلموه على ايه والمنتدى حاله كده

لما يتعدل الاول

تبدأ الاول نقترح ايه الاقسام اللى المفروض تتحط

العلميه طبعا

وكل واحد عنده فكره يشارك بيها

يدا بيد نحو منتدى افضل


--------------------
مجرد راى

ان ساء الله نحسن صوره المنتدي
اول موضوع علمي انزله ان شاء الله يكون خاص بمشاريع التخرج
وانا فعلا شغال اجمع بيانات عن كل المشاريع بقدر الامكان بس في صعوبه ان اجمع عشر مشاريع
ربنا يسهل

لو سمحتو يا بشمهندسين اللى بيعرف يبرمج بكات ياريت مساعده منه