ادعو لشباب الروبوكون انهم ياخدو الاول السنة دي
السنة اللي فاتت الحمد لله خدنا الثالث
وادي السنادي ثلاث فرق تتحدي بعضها علي المركز الاول
وعلي فكرة استفدت جدا من مشروع الروبوكون
لاني شاركت فيه اكثر من مرة
واستفادت معلومات في الميكانيكا والالكترونيات والبرمجة
ففادتني كتير في الحياه عامة والدراسة خاصة
ونفسي الناس تيجي وتسئل وتستفسر وتستفاد وتشارك في المسئولية
لان بعد مالناس اللي عندهم الخبرة ميتخرجو هيجي الجديد وللاسف هيبداء من الصفر
الطلاب اللي شاركو اكثر من مرة نفسهم يورثو كل اللي اكتسبوه للطلاب الجدد
علشان يكملوا المسيرة والروبوكون ميتوقفش عند تخرجهم
انتوا متعرفوش انا اد ايه استفدت
ونفسي اكبر عدد من طلاب ميكاترونيات وميكانيكا وكهربا يستفادوا
معمل الروبوكون هتلاقوه في ميكانيكا الجناح الشرقي في الدور الارضي
وباذن الله هتستفادوا
لانكوا هتقابلوا اصحاب جدد
وتعيشوا معاهم روح التحدي
وتتعلموا ازاي تتعلموا
وازاي تتحملوا المسئولية
وازاي تعوض خسارتك لو قدر الله موفقتش
واكيد هتتعلموا ازاي تكسبوا باذن الله
وبالتوفيق لكم ولشباب الروبوكون
