استفسار عن القسم

اولا انت عاوز تحول اسيوط لية متخليط فى اسوان احسن
اما عن القسم فكل الى اعرفة انو شعبة من كهربا يعنى ربنا يكرمك كدا فى اعدادى وتنجح وتجبك تقدير حلو تقوم داخل كهربا
وبعدسنتين ربنا يكرمك وتتشعب اتصلات او حاسبات اوميكاترونيات
بس الى متاكدة منو انى مستقبلة حلو عشان كدة محدش بيدخلو بالساهل وكنت شفت شكوة على النت من 24 طالب مقدمنها عشان الكلية مرضيتش تدخلهم القسم عشان كده قبل ما تحول وتتعب نفسك لازم تتاكد انك رايح قسم صح انا ليا وحدة صحبتى بعد ما حولت المنصورة لقيت نفسها داخلة نسيج فى حين هيا فى اسيوط كان قسمها احسن وربنا معاك واسال ناس تانية تكون فى القسم

الميكاترونيات والروبوتات
لا سوري يا مصريه كلامك ما هوصحيح
القسم ده خاص تقدر تدخله قبل اعدادي او بعد اعدادي بس طبعا مش ببلاش تقريبا بتدفع 8 الاف في السنه
كل دراستك ع الكمبيوتر والمحاضرات وتقريبا في كورسات اونلين بين دول كتيره حتي الامتحانات وليك ساعات محدده في الدراسه وبعدين تمتحن والامتحان نتيجته بتظهر بعد الامتحان بساعه
والله اعلم

يا سلام
والله انا اول مرة اسمع الكلام دة بس قولى الكلام دة فى اسيوطولا جامعات خاصة
وهل معنى كدة انو مش مرتبط بتقدير اعدادى

لا ده في هندسه اسيوط نفسها وملهوش دعوه بالتقدير

شكرا ياباشمهندس admin
بس هو بياخد كام فى الترم

إلى الأخ مروان الخطيب والذي يسأل عن قسم هندسة الميكاترونيات والروبوتات
أولاً هذا القسم خاص ذو رسوم تبلغ 9000 تسعة آلاف جنية تقسم على دفعتين لكل تيرم دفعة تبلغ 4500 الأستاذ الدكتور/ أبو بكر هو منسق البرنامج ومن شئون الطلاب الأستاذ/ عماد مسجل البرنامج ويمكنك الالتقاء بأيهما للحصول على أكبر قدر من المعلومات والتي يمكن أن تتلخص في الآتي:
شرط وحيد للالتحاق بهذا القسم هو أنك تكون طالب بكلية الهندسة جامعة أسيوط أما بالنسبة لموعد الالتحاق فلا يوجد قيد لهذا الموضوع إلا في حالة التحاقك بالقسم بعد الفرقة الإعدادية أو الفرقة الأولى تكون ناجح