بدون مجاملة قول رايك فى العضو الى قبلك

مهندس mnm

حضرتك فهمتنى غلط خالص على فكرة



انا مش بعلق على الكلام اللى موجه لنورسين


انا بقول عادى يعنى

حد يكره الدعوة بالهدايه


خلاص ربنا يهدينى انا

mnm كتب:

noorseen كتب:

mnm كتب:نورسين من الناس المتعبة بالنسبة ليا
مقتنعةجدا بافكارها
وزىماقال احمدقليلة الخبرة
بس واضح انها دماغ
وده احلى حاجة فيها

No comment

افتكر ان الموضوع بعنوان قول رايك بصراحه
يعنى مينفعش اطلاقا نرد بنو كومنت
على فكرة انتى عندية جدا واللى فى دماغك مش بتغيريه حتى لو كان غلط

وافتكر يا بشمهندس اني بعرف اقرا كويس

حضرتك ليك كامل الحرية في كتابة رايك
وانا كمان ليا الحرية في التعليق
و نو كومنت هي ردي
وبعدين انا مش عندية ولا حاجة
وكمان مافيش حاجة غلط في دماغي علشان اغيرها
ولا عملت تصرف غير لائق علشان اعتذر عليه
او اعترف بيه
ولو حضرتك شايف اني غلطت قول ايه الغلطه اللي ارتكبتها
علشان اصلحها

رجاء خاص متعلقيش على موضوعاتى وانا بعتدزر انى رديت على اى موضوع ليكى
شكرررررررررررررررررررررررررررا
مينفعش معاكى غير كده

انا مش فاهمه حاجة
انا كل اللي بقوله
ايه الغلطه اللي ارتكبتها علشان ده كله
وعلي العموم
انا اسفة لو كنت غلطت في حد من الاعضاء
من غير ما اخد بالي

وبخصوص التوبيكات
والردود
من غير رجاء ولا حاجة انا مش هاعلق
عليها

الموضوع ما بظش ولا حاجه انا كان اخر كلامي راي انا في العضو اللي قبلي

المفروض من باقي الاعضاء يكملوا الموضوع الجميل والرائع الناتج من العضوه المتميزه مصريه

رايك في ليس بالضروري ان يدل علي ما بداخلي "المفروض كل الاعضاء تخلي الجمله دي في ناظرهم "

م/مصطفي
عضو مميز ونشيط بس غايب عن المنتدي اليومين دول
انسان محترم ومثقف

فى الاول ازيكم
ما تقلقيش يا نورسين على الموضوع
اهم حاجة اننا هنا كلنا اخوات ولازم نفهم دة كويس ونتعامل على اساسة
واى خلاف فان شاء الله هيكون حاجة عارضة وهتعدى سحابة صيف يعنى
نرجع بقا لموضوعنا

نورسين والله بحبها
بحسها بريئة وطيبة وكمان من الناس الى لسة مخلين المنتدى عايش
من غيركم كان المنتدى دة انتهى

محمد فهو طيب يمكن يكون طيب زادة شوية بتخلية ما بيتفهمش كويس
بس فى الاول والاخر ان متاكدة انة انسان كويس

مصطفى او زى ما انا مسمياة رمز الاحترام
بجد هو انسان كويس جدا وعضو متميز ومحبوب
بجد اتمنى انة ما ينساش المنتدى بعد ما يتخرج وينشغل
فخورة انة بلدياتى

يالا مين هيكمل ويقول راية فى مصرية

سلامووووو عليكووووو

اولا انا لسه مشترك من شويا
بس شميت ريحه خناقه قولت اشوف في ايه وياريتني ماشوفت انا كدا كدا مخنوق اصلي عندي ميدترم انتنا بكره للدكتور اللي مايتسمى

بس عالعموم بجد موضوع حلو كتير لان الصراحه اجمل شئ

ويارب تدوم المحبه بين الناس ومنخليش الصراحه تفرق بينهم ^_^ ^_^

اهلا بيك يا mahmoudomer_89وهما كدا الاخوات لازم يتخانقو
بس ياريت ياجماعة نهدي شوية وبلاش خناق

احنا زمايل كلية واحدة والمنتدي هو اللي بيجمعنا ومش كل محد يقول لحد كلمة ياخدها فنفسة ويزعل ومفيش حد كامل
وهتمر الايام وهنتفرق ومش هنفتكر الا الذكريات دي

السلام عليكم

يمكن اكون غريب شويه في التعليق دا بس الموضوع عنوانه الصراحه ودا عيب فيا لاني صريح زياده عن اللزوم

اولا بعد لفه في المنتدى لقيت ان المنتدى لا يحتوي على فائده علميه مش اكتر من منتدى اجتماعي وترفيهي

ثانيا السبب في اولا ان معظم اعضاء المنتدى بنات ومن غير زعل

ثالثا محدش يزعل مني بس دا اللي شايفه وبصراحه سبب اشتراكي في النتدى كان ان ناس اصحابي ومنهم امير الاعصار والراجل دا اديلي سنتين شغال معاه فانا عارفه مش يشترك في اي منتدى وخلاص بس يمكن انا غلطان

وتعليقي دا لاني حابب ان يكون المنتدى في احسن صوره ومش اكتر

يا بشمهندس مرحب بيك بيننا
وان شاء الله المنتدي يتغير للافضل بجهود بعد فضل الله
بس الموضوع انه تقول رايك في العضو السابق ليس في المنتدي ككل
من اسباب نجاح المنتدي ان الرد الرد المناسب في المكان الصح


بالنسبه لراي في العضو السابق محمود عمر
هو عضو جديد يبدو عليه ان يحمل شعله نشاط نامل انها ما تنطفيش بسرعه وتنور المنتدي

السلام عليكم

اولا شكرا يابشمهندس على الرأي واتمنى اكون عند حسن ظنك ولكن من بعد اسبوع من اليوم لاني عندي مسابقه علميه تبع الكليه ودعواتكم معانا

ثانيا بالنسبه لمكان الرد انا سجلت في المنتدى امبارح ودورت على اكثر موضوع الناس متجمعه فيه مش اكتر ولو اني شايف اني اخترت المكان الصحيح لهذا الرد بس مش مهم دي مش القضيه

ثالثا بالنسبه للمساهمات اللي هشارك بيها ان شاء الله هاتكون حاجات من منتديات هندسيه مفيده بس هايكون معظمها او كلها تم تجربتها فعليا من ناحيتي للتاكد من جوده الموضوع

بس يوجد مشكله اعتبرها عائق بالنسبه لي انا مش عارف الارضيه اللي ابدا منها فياريت تحاول تنسق معايا وتفيدني بخبرتك ونحاول نعمل حاجه كويسه ان شاء الله

اقتراح مبدأي وياريت رأيك فيه
تقسيم الجزء الخاص بقسم الهندسه الكهربيه الى افرع
1-البرامج المستخدمه ودورات مبسطه لتعليمها
2-المشاريع والافكار المقترحه لها
وهكذا................

اهلا بيك يا محمود معانا
مبروك وصولك للمنتدى وعقبال مانوصل لكاس العالم ان شاء الله
على فكرة ياجماعة محمود دا من الشخصيات الجميلة جدا جدا
كدة المنتدى ممكن يولع من الحماس اللى عند محمود
يللا بس ورينا الهمة طبعا انت لسة معرفتش انا احمد مين؟
انا اللى سيبتونى لايص مش عارف اخد سيميستر 2 ccnaربنا مايوريك مش لاقى حد ياخدها معايا

على فكرة محمود من كتر الحماس اللى عنده بيقلب عكسى واراهنك انو هيدخل المنتدى تانى مش بعد اقل من شهر
هههههههههههههههههههههههههههههههههههههههههههههههههههههههههههههههههههههههههههههههههههههه

السلام عليكم
اسف للتاخير في الرد بس والله لسه راجع من السفر امبارح والحمد لله احنا كنا في مسابقه روبوكون والحمد لله فرقتين من جامعتنا اتأهلو للدور ال 16 في شهر 7 ايوه انا كنت مع الفرقه اللي متاهليتش بس الحمد لله انضمينا لفرقه تانيه وصعدنا مع بعض وعملنا شغل حلو وصحيح رب ضاره نافعه
فياريت تدعولنا نحقق مركز احسن من السنه اللي فاتت وان شاء الله بس تخلص الامتحانات ونسافر تاني ودعواتكم معانا وحبذا لو حد منكم كان في القاهره ويجي يشجعنا في الاستاد فلو حد حابب انه يجي يكلمني واوفرلو دعوه ان شاء الله


طبعا بالنسبه لاخويا وحبيبي احمد بجد شكرا على الكلام الجميل دا والله دا كتير عليا
وبالنسبه للشبكات انت بس شد حيلك وخد سيميستر 2 عشان ناخد مع بعض سيميستر 3و4 في الاجازه ان شاء الله

nmn وبالنسبه لاخويا
انا ارجح من الاسم انك محمد نصر وبالنسبه للديك ياباشا انا سيبت الامتحان ومشيت اصلا من بعد الكلمتين البايخين اللي علق بيهم عليا وكدا كدا مش فلرقه

بالنسبه للمنتدى يوجد استفسار من ناحيتي وياريت الناس ترد عليا

هل نبدا مع بعض المواضيع الخاصه بالالكترونيات والروبوتات من الاسبوع دا ولا في اجازه اخر السنه لتكون المتابعه فعليه

خلينا فى اخر السنه يا حوده
ده راى