سؤال عن الرسم الهندسى؟

السلام عليكم ورحمه الله وبركاته
ازيكم يا جماعه يا رب الكل بخير
انا فى اعدادى هندسه وكان عندى سوال صغير ياريت اللى يعرف الاجابه يفيدنى ويكون له جزيل الشكر
مش عارفه اتخيل الاسقاط العمودى فى الرسم لاى شكل ؟
مش عارفه اعمل ايه
هو المعيد عندنا بيشرح كويس بس المشكله انى مش عارفه اتخيل معاه
سورى للاطاله فى الحديث بس اتمنى حد يفيدنى

حاولي تربطي بين الواقع والي بتدرسي قبل ما تفكري تحلي اي سؤال
يعني اي رسمه قدامك حاولي تتخيلي اي هي في الحقيقه
يعني ابسط حاجه في الاسقاط
محاور x y z تخيلي انهم ركن في المدرج عندك الافقي x والعمودي عليy والرأسي z
وكده يعني

بصى ياسندريلا انا بقالى بالظبط 3 سنين برسم صدقينى زى ماقلك ادمن اربطى الرسم بالواقع واسهل حاجه ف الرسم هى المساقط بصى هى فى طريقه سهله جدا انتى هاتى قلم رصاص وبصى ف المسقط اللى انتى عوزاه ف الايزومترك وكل حاجه انتى تتوقعى انك تشوفيها ظليلها بالرصاص هتلاقى نفسك حددتى المسقط بكل سهوله انا برده معاكى ف اعدادى يارب تكونى استفدتى وتكونى فهمتينى

سورى يا وايت كات انا ماخدتش بالى انك انتى اللى كاتبه الموضوع انا افتكرتها سندريلا

وايت كات خدى الرابط ده فى كل بدايات الرسم الهندسى والشرح بالفيديو وهتفهمى منه كويس اوى وربنا يكرمك https://www.youtube.com/user/abolobnaali#p/a

الرسم الهندسى
هو احلى حاجه فى اعدادى على فكرة


وانا مش هستهبل واقول غير اللى اتقال

تخيلى

just imagine

ممكن تجيبى اى حاجه مجسمه وتحطيها قدامك وتتدربى عليها حبه فى حبه
هتتحل العقدة ان شاء الله

الرسم ده يا جماعة من اجمل المواد الموجودة فى اعدادى
مش لازم الواحد يحب مادة علشان يجيب فيها تقدير
التحدى الحقيقى ان الواحد يكون مش كويس فى مادة ومبيحبهاش ويجيب فيها تقدير
بالنسبة لكل الناس اللى فى اعدادى دلوقتى مشكلة الرسم الحقيقية هى الوقت
كلنا لو صفينا ذهننا وركزنا كويس هنتخيل لكن مين اللى هيتخيل اسرع؟
بدليل انك لوشفت الحل بتفهمه وتستوعبه ولو المعيد شرحللك بتفهم منه لكن المشكلة لما تيجى ترسم لوحدك
التدريب على التخيل السريع ليه اكتر من طريقة
ومحدش ممكن يحل مشكلة الرسم غير الشخص نفسه
لازم تعمل لنفسك مخطط زمنى لكل لوحة ترسمها
تخلى تفكيرك يشتغل تحت ضغط الوقت اللى انت هتححده لنفسك
اول مرة ممكن تاخد اضعاف الوقت اللى انت حددته
لكن المرة اللى بعد كدة هتحل اسرع والمرة الللى بعدها اسرع وهكذا
المهم تتخيل تحت ضغط هتتخيل اسرع
انا كانت عندى نفس المشكلة فى اعدادى ومكنتش بحب الرسم خالص مكنش عندى القدرة انى اقعد ساعة واحدة على اللوحة
لكن الحمد لله جبت فيه امتياز
يارب اكون عرفت اوصللكم اللىى عاوز اقوله وتكونو استفدتوا
الوحيد القادر على حل مشكلتك فى الرسم هو انت عن طريق التدريب اللى انا وضحته

حاولى متعقديش نفسك
انتى اللى تاخديه فى نفس اليوم تحاولى ترسمى فيه واذا معرفتيش تروحى بلوحتك تسالى المعيدين والدكاترة وبجد بجد دكاترة ومعيدين ميكانيكا كويسين جدا وهتلاقيهم معاكى فى اى حاجة
بس انتى اصبرى على نفسك وعلى اللوحة
بسهولة خالص هتفهمى وتحلى وتجيبى تقدير كمان
ربنا معاكى ان شاء الله

بجد دكاترة ومعيدين ميكانيكا كويسين جدا

وليه الحيرة

اسهل حاجة عشان تفهمى الرسم تخيلى انك بتضغطى الشكل مثلا على الحيطة وابداى بصيله من جميع النواحى ولو حاسة انك مش هتعرفى هاتى صابونة وحاولى تشكيلها بالشكل اللى انتى عايزة ترسميه وارجعى بصيله تانى ولو ده برضوا مش هينفع يبقى ربنا معاكى بقى يا تاخدى كورس يا تشيلى الرسم هنعمل ايه يعنى

وليه الحيرة

علي رايك في دكاترة ميكانيكا

يا جماعة الرسم الهندسى دا احلى حاجة انا بعد ما دخلت كهرباء ندمت بجد ع الرسم

مالهم بس داكترة ميكانيكا