هااااااام لطلبه اعداي

بص يا باشمهندس احنا لازم نجيب كل الكتب خصوصا الكتب الى فيها شيتات
زى الرياضة والرسم والانتاج والوصفية
ويا ريت تجيب كل الكتب
بتقول ما فهمتش اى حاجة على فكرة ده الطبيعى وبلاش تقلق نفسك
اول اسبوع والتانى دول انت بتعود على نظام جديد فحتى لو انت انشتين اكيد مش هتركز ويا ريت تحضر كده وبلاش تكنسل اى حاجة حتى لو كانت هايفة
وحاول تكتب اى كلمه سمعتها حتى لو مش فاهمها دلوقتى وعدين ممكن تفهمها
ايوه لازم تحضر وتكتب كل المحاضرات حتى لو الدكتور مش فاهم منه
وتذاكر المحاضرات لان غالبا الامتحان من المحاضرة فى مواد زى الفيزيا والرياضة والاسقاط مش بتطلع بره المحاضرة
المذاكرة المحاضرة اولا والسكشن اولا برضو السكشن مهم جا
المذكرات وهتلقيها فى شارع المكتبات الىهو فى وش الجامعة البوابة الرئيسية
مكتبات الفاروق اول مكتبه فى الشارع على ايدك اليمين وفى مكتبات على نفس الخط جمبها الاعتصام برضو كويسه وممكن تلاقى فيها حجات تفيدك
وفى مكتبة اسمها الاخوين على الطريق نفسة
انت تكمل لغاية ما تلاقى مكتبة الامام مسلم لبيع الكتب الدينية
هتممشى علطول هتلاقيها فى وشك
وربنا يوفقك

شكرا للمصرية ما سبتش حاجة خالص .. حاول تحضر كل حاجه


وخاصه السكاشن وبعدين هتلقى نفسك فهمت كل حاجه ..

العفو يا عبد الله
بس فى حاجة نسيتها
اللوحات يا باشمهندسين
يا ريت تخلص اول باول
عشان الناس الى بيديها دكتور ابو بكر
بيجى ويطلب اللوحات وبيلمها فجاه اخر الترم
عشان ما نزنقش فى اخر الترم هيكون عليك امتحانات وكمان لوحات حرام والله
هما بيلموا اللوحات والى مش مرسومة بضيع عليك درجتهم
فياريت تخلص نفسنا من الاول
وشكرا

معلش بقى انا كل ما بفتكر حاجة بقوم قايلها

نحضر لدكتور يوسف حتى لو مش بيدينا نحضرله تطفل
ايوه تطفل على دكتور يوسف دلوقتى احسن ما تتطفل على حد تانى بعدين
والناس الى بيديها دكتور شافعى تحضرلة برضو لانه بياخد غياب
الباشمهندس منصور لو بيديكم بيقى حظكم من السما مش بيديكم تظبطوا الجدول وتحضروله يعنى تشوف جدولك لو مثلا عندك حاجة مش لازم تحضراها مع مجموعتك او سكشنك ورش مثلا وفى نفس الوقت فى سكشن للباشمهندس منصور يبقى نحضرلة وتشوف الحاجة دى من الجدول برضو نشوف معادها مع سكاشن تانية ونحضرها معاهم
الرسم الى مش فاهم حاجة يروح للباشمهندسة نرمين من الاخر هى عندها ضمير جامد
واسلوبها بسيط ومش بتعقد الواحد
حتى لو اخدت عنها كورس مش مهم المهم تفهملها

ياريت لو فى حد هنا من الناس الى اكبر منى يقول اى كلمة
لوفى حاجة فى كلامى مش واضحة اهملها اقتباس وانا هفسرها
وربنا معانا

بتاع ايه البش مهندس منصور ده؟؟

معلش يا عبد الله هو انا شكلى اخدت على كلمة با شمهندس
هو مش باشمهندس هو معيد من علوم وبيدى سكاشن رياضة وميكانيكا
وبيقولوا شرحة جميل جدا فبجد حاول تحضر لة
واى استفسار انا فى الخدمة

مصريه هو انتي فريش ولا دبلر
اي كل المعلومات الجامده دي :D

ثانكس ادمن ويا ريت لو عندك حاجة تضيفها
والبركة فى قرايبى بجد ربنا يكرمهم ويوفقهم
واهى محاولة لقول انى مش محتاجة رقم حد من الاعضاء

بجد مش عارفة
لان الكلام ده انا عرفاه بالسمع من مصطفى ابن خالى

بس اكيد هيبان لو فى حاجة قولتها مش صح يا ريت حد يصحح
بس الى اعرفة ان السكشن ده بيكون فية مسائل بتتحلل
من المعيد وعلى حسب المعيد يعنى وشرحة كويس ولا لا

كلام مصريه صح 100 100 وانا عارف ده كويس وكل قرايبى قالولى نفس الكلام وعلى فكره يجماعه انا معهد مساحه سنتين وكان بيدينى الشافعى وصفيه هو مش وحش اوى بس العباقره بس اللى بيفهموا منه انا حسن المجموعه التانيه سكشن 13 فى حد هنا معايا ولا ايه يجماعه لو حد عاز اى حاجه ف وصفيه او رسم ميتكسفش ويوقفنى ف الجامعه ويسالنى اوك سلام

Sh@pGeL@nY كتب:كلام مصريه صح 100 100 وانا عارف ده كويس وكل قرايبى قالولى نفس الكلام وعلى فكره يجماعه انا معهد مساحه سنتين وكان بيدينى الشافعى وصفيه هو مش وحش اوى بس العباقره بس اللى بيفهموا منه انا حسن المجموعه التانيه سكشن 13 فى حد هنا معايا ولا ايه يجماعه لو حد عاز اى حاجه ف وصفيه او رسم ميتكسفش ويوقفنى ف الجامعه ويسالنى اوك سلام

والله الف شكر يا حسن مرسى ليك خالص وربنا يباركلك كده واحتمال نفكر ناخد كورس عندك بس لقدام شوية بص انا مجموعة تانية برضو ودكتور شافعى مش وحش يا شباب بجد انا احيانا بفهم منة بس هو مشكلتة انة بيخاطب مستوى عقلى اعلى مننا عشان كده مش بنفهم قوى يعنى بس انا متاكده من اسلوبة انة متمكن قوى من العلم ده وحاسس ان كل الناس زية عشان كده بتحصل الهوة دى
وربنا معانا وشكرا يا حسن

ياسر جلال كتب:

ايه ده كله !!!! بسم الله ما شاء الله عليكى كلامك كله صح..........الا صح انت كنت مأجله مواد فى ثانوية عامة ولا ايه؟؟؟ اصلى انتى المفروض تكون فى دفعة اولى السنة دى ؟؟؟

المهم حابب اكد كلام البشمهندسة " مصرية "واضيف عليه عن تجربة



فى محاضرات الفيزياء اهم حاجة انك تكتب ورا الدكتور لان الامتحان بصراحة مبيطلعش بره المحاضرة يعتبر خالص وفى السكاشن العملى لابد من التركيز اثناء عملك للتجارب ولابد من تحضيرها و مذاكرتها قبل الذهاب الى السكشن

و بردوه فى محاضرات الرياضة لان اغلب المسائل اللى فيها افكار صعبة شوية بتجى من اللى بيقولوا الدكتور فى المحاضرة و حاول متفوتش ولا سكشن لان السكاشن بيتحل فيها مسائل كتير بجى منها اغلب افكار امتحانات اعمال السنة واخر السنة

احسن معيدين فى الرياضة

منصور

لو قدرت تجيب ورق الكورسات بتاعته و ذاكرته كويس اضمنلك باذن الله ان تنجح بتفوق ده يعنى لو مقدرتش تحضرله السكاشن يعنى!!!

وانا عن نفسى فى الرياضة الترم التانى (بعد ما الواحد كان خلص عرف كل حاجة) اخدت بفضل الله ثم بفضل ورق الكورسات بتاع منصور 39 من 40 فى امتحان اعمال السنة بتاع الرياضة

وفى الميكانيكا حاول تركز جامد مع الدكتور فى المحاضرة وتكتب وراه المسائل اللى بيكتبها وتحلها بنفس طريقة حله وفى السكاشن اكتب كله حاجة ورا المعيد وتحاول تحضره للمعيدين دول لانى شرحهم بصراحة يخليك تجيب الدرجة النهائة فى امتحان اعمال السنة و اخر السنة باذن الله
انا عن نفسى اخدت 30 من 30 فى الديناميكا الترم التانى بفضل الله ثم بفضل شرح المعيد مصطفى هاشم

احسن معيدين فى الميكانيكا

منصور

مصطفى هاشم


وفى تكنولوجيا الانتاج لو بتاخد مع د/ أبوبكر تركز فى الرسم اللى بيرسمه و انصحك ترسم معا فى كشكول المحاضرات لانى فى الترم واخر السنة بيطالبك بكشكول المحاضرات فلازم تكون عامله اول باول عشان ما تزنقش فى الاخر زى حالاتنا وتحاول تكتب معاه شوية نظرى من اللى فى الكتاب و بخصوص الورش لابد من الحضور والكتابة فى النوتة كل ما يقال لك كتابته و رسم ايضا ما يقالك لك ان ترسمه حتى تسهل على نفسك فى الترم و اخر السنة مذاكرة العملى

وفى الاسقاط الوصفى كما قالت البشمهندسة " مصريه " لابد من الحضور لمحاضرة الدكتور يوسف عباس لان امتحانات اعمال السنة بتجى من اللى بيقولوا بالظبط بصراحة انا منقصتش فى اعمال السنة غير درجة واحدة فى الترمين لكن كان السبب منى و فى السكاشن حاول انك ترسم اغلب المطلوب منك فى السكشن و تسأل فى اللى متعرفهوش وحاول تخلص الشيت اول باول عشان د/يوسف بيعمل امتحانات فى السكاشن وبيخلى المعيدين يصححوا الشيتات

وفى الحاسب الالى لابد من التركيز فى المحاضرة وتحاول تكتب الحجات المهمة اللى بيقولها الدكتور وخصوصا فى الــــ
Q-basic
وعدم الاستهانة بهذه المادة لان فى ناس زملاتى رسبوا فيها عشان استهانوا بالمادة ديه
وتحاول تكتب فى السكاشن يعنى اغلب اللى بيقولوه المعيد وتشتغله عملى بايديك

اما فى الرسم الهندسى فلابد من التركيز فى شرح الدكتور و محاولة رسم اغلب اللوحة فى السكشن والرجاء عدم اهمال اى شيت(لوحة) وتأجيله الى اخر السنة لانك اكيد هتتزنق ومش هتعرف تخلصهم كلهم وبخصوص احسن المعيدين انا كانت بتدينى البشمهندسة نرمين وبصراحة شرحها ممتاز لو عندك اى استفسار فى اللوحة روح اسألها

ولو كنت نسيت حاجة او فى اي استفسار او عاوزين اى مساعدة انا فى الخدمة

اية بس الجمال ده كلامك كلة فى الجون بجد شكرا يا باشمهندس ياسر
وربنا يقدر الدفعة على تنفيذ الوصية وشكرا ليك قوى لانك الوحيد الى حن علينا من دفعات تانية
وربنا يوفقك كده فى القسم واحجزلى عندك فى كهربا ان شاء الله جيالكم
ونصيحة ليك بقى ههه انت الى هتنصح لوحدك يعنى خلى بالك من السى بلس كتاب موف هوة هه والدوائر واحضر لمحمد عبد الله واحضر سكشن منصور فى جزء محمد عبد الله
وبجد شكرا ليك
مهما حصل

على فكرة فى سكشن ميكانيكا للباشمهندس منصور
يوم الاحد من 8 الى 10 فى 324 مدنى

الاخت المصرية لوسمحتي انا عايز كورسات الفيزياء او مكان بيعها او الرياضيات يرجي الرد انا في اعدادي

يرجي الرد (انا بفهم في المحاضرات لكن اغلب الحاضرين بيقولو انهم مش فهمين مم جعلني اشك في نفسي)0 بالاضافة ان بعض الناس بتقولي خد كورسات0 ليه اسبوع مش عارف امسك كتاب0

المصرية كتب:

ياسر جلال كتب:

الا صح انت كنت مأجله مواد فى ثانوية عامة ولا ايه؟؟؟ اصلى انتى المفروض تكون فى دفعة اولى السنة دى ؟؟؟

اية بس الجمال ده كلامك كلة فى الجون بجد شكرا يا باشمهندس ياسر
وربنا يقدر الدفعة على تنفيذ الوصية وشكرا ليك قوى لانك الوحيد الى حن علينا من دفعات تانية
وربنا يوفقك كده فى القسم واحجزلى عندك فى كهربا ان شاء الله جيالكم
ونصيحة ليك بقى ههه انت الى هتنصح لوحدك يعنى خلى بالك من السى بلس كتاب موف هوة هه والدوائر واحضر لمحمد عبد الله واحضر سكشن منصور فى جزء محمد عبد الله
وبجد شكرا ليك
مهما حصل

شكرااااا على ردك الرائع بس انا مدنى يلا شد حيلك وخش كهربا عشان كهربا عاوزا دماغ صاحية

مرديتش على تساولى الموجود فى الاعلى الى الان؟؟؟؟؟

انت كنت مأجله مواد فى ثانوية عامة ولا ايه؟؟؟ اصلى انتى المفروض تكون فى دفعة اولى السنة دى يعنى دفعتى ؟؟؟

المصرية كتب:

ياسر جلال كتب:

الا صح انت كنت مأجله مواد فى ثانوية عامة ولا ايه؟؟؟ اصلى انتى المفروض تكون فى دفعة اولى السنة دى ؟؟؟

اية بس الجمال ده كلامك كلة فى الجون بجد شكرا يا باشمهندس ياسر
وربنا يقدر الدفعة على تنفيذ الوصية وشكرا ليك قوى لانك الوحيد الى حن علينا من دفعات تانية
وربنا يوفقك كده فى القسم واحجزلى عندك فى كهربا ان شاء الله جيالكم
ونصيحة ليك بقى ههه انت الى هتنصح لوحدك يعنى خلى بالك من السى بلس كتاب موف هوة هه والدوائر واحضر لمحمد عبد الله واحضر سكشن منصور فى جزء محمد عبد الله
وبجد شكرا ليك
مهما حصل

شكرااااا على ردك الرائع بس انا مدنى يلا شد حيلك وخش كهربا عشان كهربا عاوزا دماغ صاحية

مرديتش على تساولى الموجود فى الاعلى الى الان؟؟؟؟؟

انت كنت مأجله مواد فى ثانوية عامة ولا ايه؟؟؟ اصلى انتى المفروض تكون فى دفعة اولى السنة دى يعنى دفعتى ؟؟؟

طارق يحيي كتب:يرجي الرد (انا بفهم في المحاضرات لكن اغلب الحاضرين بيقولو انهم مش فهمين مم جعلني اشك في نفسي)0 بالاضافة ان بعض الناس بتقولي خد كورسات0 ليه اسبوع مش عارف امسك كتاب0

ده العادى فى اى محاضرة انا عن نفسى كان فيه محاضرات اكون فاهمه واغلب زملائى لا يكونوا فاهمينها عشان كده اوعى تشك فى نفسك ولو لحظة
سيبك من الكورسات (نصيحة خاصة منى) انت ممكن تاخد ورق الكورسات ده وتصوره لكن انا من وجهة نظرى الكورسات مضيعة للوقت
انا كان ليا اكتر من شهر مش عارف امسك الكتاب لكن حاولت واجتهدت و جاهدت نفسى حتى اذاكر و وضعت امامى هدف انا اجلب تقدير عالى
وربنا قال فى كتابه"انا لا نضيع اجر من احسن عملا" فانت اجتهد واعمل اللى عليك وباذن الله ربنا يوفقك ومتقلقش خالص

البش مهندس طارق انا زيك بردو احس انا فاهم والناس مش فاهمه.. العكس ده احنا اللي مش فاهميين وهما اللي فاهميين ... وهتشوف في اعمال السنه .. معظم الطلاب بيتظاهروا انهم مش فاهميين ولا مش بيزكروا وهما تلاقهم مقطعين الكتب ... ربنا يوفقك

طارق يحيي كتب:الاخت المصرية لوسمحتي انا عايز كورسات الفيزياء او مكان بيعها او الرياضيات يرجي الرد انا في اعدادي

بص يا هندسة اهم حاجة المحاضرات بجد والله وفى الفيزيا بالزات
انت لو بتحضر وفاهم وبتكتب يبقى انشاء الله امتياز فيزيا
وزى ما ياسر بيقولك فكك من الناس الى بتعقد الواحد دى
ونصيحة بلاش تقعد مع الناس الى تعقدك وتقولك صعب ومش فاهم وقصص تحبيط الهمم دى
خليك مع الناس الى عندها طموح وتشجع لان بجد الواحد بياثر بكلام الناس الى حوالية
فى ورق فيزيا فى مكتبة الفاروق كويس يعنى بس بجد المحاضرة احلى
وبجد ياسر عنده حق الكورسات دى ضررها اكتر من نفعها
لانك ببساطة هتتعود عليها وهتبقى مشكلة معاك فى القسم