استفسارات.........................................

بسم الله الرحمن الرحيم

العام الدراسي قرب علي البدأ
واكيد في اعضاء كتيره عندها استفسارات عن العام الدراسي الجديد
واكتر ناس طبعا عندها استفسارات هم سنه اولي
انا لما كنت في سنه اولي كنت محتار علي الاخر
ولقيت الاسءله بس متاخر
المفروض انتوا اه فرصه تسالوا من بدري شويه
ويا ريت برده اللي يجاوب عليكم يكون في تانيه او تالته هيكون اقرب لسنتكم من بتاع رابعه واكثر افاده
وبرده طلبه تانيه تسال تالته
وطلبه تاته تسال رابعه
وطلبه رابعه ربنا يهديها

وده لكهربا بس ولا ايه

وده لكهربا بس ولا ايه

هو في حد اكبر منك في ميكانيكا تساليه

طاب وناس اعدادى تسال مين ولا بلاش تسال

بتوع اعدادي يسالوا اي حد في المنتدي واكيد هتلقي كتيييييييييييييييييييييييييييييييير هيرد عليكم
ولعلمك احسن سنه اعدادي

على رايك والله

اعدادى دى سنه الرخص
وشكرا على لتوبيك الجميل يا مصطفى

اعدادى دى سنه الرخص

فعلا والله سنه الرخص والغموض

رخص اوكى لكن غموض ازاى
ممكن توضح

من لو تتفكر اكيد اول شهر وشويه كنت قاعد في الكليه ما تعرفش اي حاجه في اي حاجه
صح ولا غلط
في غموض اكتر من كده

سنه اعدادي دلوقت في سنكم وانكم شفتم الاصعب بتقولو عليها رخص لكن اننا لسه مدخلناش غيرها لا مش رخص خالص وخصوصا السنه دي كانو متوصيين بينا اوى الحمد الله انها عدت ويمكن يكون العيب مني لاني كنت مطنش بس مش مطنش اوى والله بس المذاكره اقل بقت من مذاكره ثانوى وكمان كنت تايه جدا لاني بجد كنت متعود ع الدروس الخصوصيه وانه يكون مدرس بيشرحلي انا وبس وعارف انه ده غلط بس اعمل ايه وفجاه بقي لقيت نفسي في محاضره واصحابي بقي الله يمسيهم بالخير كنا اول ساهعه تركيز والباقي حكاوى بجد ربنا يسترها

سوري يا جماعه ع الاطاله وربنا ماخدتش بالي بس اصل الكلام خدني
وبجد يا مصطفي فكره الموضوع جامده لاني مجرب قصه الحيره في الاسئله واكيد بقي ان شاء الله انت بقي مركز اجابه اسئلتي وانا كنت سالتك كتير في الاول عن القسم وزى ماانت عارف اني كنت محتار بس فاانتظر بقي المزيد من الاسئله بس لماادخل بقي واشوف بس انت ياريت ماتزهقش

سورى يا جماعه بجد انا مش عارف ليه رغاي اوى كده النهارده
وثانكس مره تانيه يا مصطفي

ان شاء الله انت بقي مركز اجابه

يا عم طويل ايه هو انت بتتكلم في التليفون

بس حلوه مركز الاجابه دي
بس في اعضاء في تالته هتبقي اقرب من اولي مني

وانا تحت امرك يا بشمهندس
فارس5

وكمان انا منساش بقي حبيبي محمد الادمن لاني هو اول واحد عرفته بقي زماااااااااااان
قبل ماادخل الكليه وقبل مااعرف المنتدي ده وكان هو بقي اول واحد يعرفني يعني ايه سكشن ومحاضره ومين احسن دكتور اروحله واعمل ايه وهو اول واحد يعرفني يعني ايه اعمال سنه بجد يا جماعه انا مكنتش اعرف الحاجات دي خالص وكمان دلوقتي مستغرب نفسي اني مكنتش اعرف الحاجات دي واسئله تانيه كتير هو اكيد عارفها وفاكرها
فبجد تحيه مني ليك يا محمد يا حبيبي ويخليك ليا لانك بجد فدتني كتيير

شكرا بجد يا مصطفي وربنا يسترها

مرسي يا كظومه يا حوبي
وكمان في سؤال تاني سألته مش هقوله طبعا

وكمان في سؤال تاني سألته مش هقوله طبعا

ما تقوله يا ادمن
علشان الناس تعرف
والمفروض انك ما تخبيش عنهم حاجه
يلا قول بقي

وهتغيبي من محاضره الدكتور الديك
ومحاضرتين للدكتور عبد الجواد
من اولها كده
والجدول بيثبت في اخر الاسبوع الاول


يا ادمن انت من اسيوط
ابقي هاتلنا الجدول
لتانيه كهرباء ولي انا
بليييييييييييييييييييييييييييييييييييز

طيب هعمل ايه يعنى اجى من اول اسبوع كدا
وفيه انفلونزا خنازير ودكتور الديك يجيب انفلونزا طيور بعدين هتبقي مشكله

الدكتور الديك متحصن ما تخافيش
ربنا يبارك في صحته

هو يبدا يدي فكره عامه عن المنهج ويشرح المقدمه
بس مش هيتعمق جامد
علشان هو عارف ان في ناس مسافره
بس الدكتور عبد الجواد هيبدا عادي علي طول

استفسار ....؟
انا سمعت انه الكليه بتطلع رحلات تدريب في شركات بره مصر

هل الموضوع دا صحيح ولا كلام في كلام ؟


استفسار2.....؟
انا تانيه كهرباء وبدات اذاكر plc
وعايزه امتحنه واخد الشهاده حاليا فهل من الافضل انى امتحن ولا استنى سنتين كمان مع العلم انى مش ناويه علي باور ؟

استفسار ....؟
انا سمعت انه الكليه بتطلع رحلات تدريب في شركات بره مصر

هي بطلع رحلات علميه لمده اسبوع ونص اسبوعين بس مش تدريب ممكن تقولي استكشافيه
بتروح سوريا .الاردن ودول تانيه
شدي حيلك واطلعي

استفسار2.....؟
انا تانيه كهرباء وبدات اذاكر plc
وعايزه امتحنه واخد الشهاده حاليا فهل من الافضل انى امتحن ولا استنى سنتين كمان مع العلم انى مش ناويه علي باور ؟

امتحنيها عادي ما فيش داعي من تاخيرها
حتي علشان تاخدي غيرها في غيرها كتييييييييييييير